لكل واحد سمع
عن البورصة او سمع نشرة الاخبار بالصدفة :) ومش عارف يعنى ايه او عنده افكار غلط
عنها ومعاه فلوس زيادة حتى لو بسيطة 1000 جنيه مثلا وعاوز يدخل فى اى بيزنس .
النهارده
هاقولك ازاى تستثمر بنجاح ومتخسرش باذن الله اى فلوس بالعكس العائد
سيصل الى 45%
واكترسنويا بدون مجهود يذكر كل ما عليك فعله انك تجهز فنجان القهوه وتوطى
التليفزيون شويه وتركز معايا خمس دقائق بس .
معاك محمد من
احسن
صفقة :
فى المقالة دى هاتتعلم المختصر المفيد والمعلومات
الاكيدة عن البورصة والاستثمار الناجح:
اولا يا سيدى البورصة دى عبارة مكان انت بتشترى منه اجزاء من
شركات او حصص ملكية فى شركة ولو انت اشتريت وعاوز تبيع فى وقت ممكن تبيع بسهوله
اذن
البورصة هوا
مكان بيع وشراء ملكية الشركات
طب سؤال معلش
سامحنى ؟ هما ليه عملوا البورصة فى الاساس ؟؟
بص يا سيدى
انت لو معاك فلوس مثلا خمسة الاف جنية وعاوز تفتح محل لبيع الفول والطعمية
بس المشكلة ان المشروع ده او( محل الفول ده عشان ينمو ويكبر اكتر لازم يكون معاك
عشرين الف جنيه مثلا عشان تتوسع وتكسب اكتر) بس انت مش عاوز تستلف من البنك عشان
الفايده عالية ايه وهاتقع فى مشاكل لو معرفتش تسدد اقساط القرض :
هاتروح تعمل
شركة وتسميها الشركة الفلانية للفول والطعمية وتنزلها فى البورصة وتدخل معاك ناس
تانيين شركاء يعنى بنسب معينه ده اسمه ( اكتتاب عام) لاى حد عاوز يدخل شريك معاك
بنسب معينه .
تمام كده
اووى بس انت الوقت كصاحب الشركة الموسس صاحب الفكرة قدامك فرصة تانية فى
الاستثمار وعاوز تغير نشاطك وعاوز تطلع من الشركة هاتعمل ايه ... هاتروح البورصة
وتبيع نصيبك فى الشركة لاى حد . تمام لحد الوقتى .؟؟ تمام
ثانيا :يا سيدى انا معايا الوقت 1000 جنيه وعاوز اشترى حصة فى
شركة الفول والطعمية هاعمل ايه ؟؟؟؟؟؟؟
بص يا سيدى
الفاضل انت عشان تدخل تشترى من البورصه لازم عن طريق سمسار هوا اللى هايشترى
لصالحك او يبيع لصالحك مقابل 3 جنيه عن كل الف جنيه او ممكن اقل حسب الصفقة
ممكن توصل ل 1 جنيه لكل الف جنيه و 1.75 مصاريف تانيه اداريه ومقابل
بورصة وحفظ مركزى و... يعنى فى النهايه لو دخلت تشترى بالالف جنيه هاتدفع عليه 3.5
الى 5 جنيه للسمسار ودى مش كتيره اظن كده ....
ثالثا ودى
اهم خطوه انت الوقت عاوز تختار سمسار امين وسريع وعنده خبره ويقدر ينصحك ويوفر لك
معلومات صحيحة وبسرعة وعشان تشترى وتبيع عن طريقه تلاقيه ازاى :
عن
طريق اللنك ده
ده الموقع
الرسمى للبورصة المصريه وفيه كل سماسرة البورصة المسجلين والمعتمدين
انت هاتختار
اللى انت شايفه كويس وقريب ليك مكانيا وهاتروح مقر شركة السمسرة ومعاك بطاقتك
الشخصية ووصل كهربا او مياه لو انت اقل من 18 سنه افتح الحساب باسم والدك او
والدتك بعد ما تفتح الحساب مع شركة السمسرة هتاخد رقم مميز ليك زى رقم البطاقة كده
وخلال يومين عمل هايكون الحساب اتفتح واتنشط فى البورصة وبامكانك الشراء والبيع
براحتك اما عن طريق التليفون انك تكلم السمسار وتقوله انت عاوز تشترى شركة ايه
وبسعر كام وكميه قد ايه او انك تشترى وتبيع بنفسك عن طريق الكمبيوتر او الموبايل
وانا عن نفسى بشتغل بالطريقتين
بس لازم تحط
فلوس فى حسابك عشان تشترى اما عن طريق انك تروح الشركة وتعمل ايداع بالكية اللى
معاك وتاخد ايصال استلام نقدية او انك تطلب من شركة رقم حسابها فى البنك وتحول
عليها الفلوس وتبعتلهم ايصال توريد النقديه على الايميل او الفاكس وفى ثوانى بتكون
الفلوس بحسابك فى شركة السمسرة اللى عن طريقها هاتشترى براحتك .
رابعا يا
سيدى انت عاوز تشترى اسهم او شركة وخايف تشترى والشركة تخسر او البورصة تقع وتخسر
كل فلوسك هاتعمل ايه
ده ان شاء
الله فى المقالة القادمة هانتكلم ازاى تختار الشركة الصح اللى تحط فلوسك فيها
اعتذر
للاطالة انتظرونا قريبا جدا ..
اهلا بكم معكم محمد من احسن صفقة سيكون شرف عظيم لى ان اشاركم ما تعلمته وان انقل اليكم خبرة العمل فى البورصة وعالم الاستثمار وطرق الربح
ليست هناك تعليقات:
إرسال تعليق